Jólaball verður í Ástjarnarkirkju, þriðja sunnudag í aðventu – 17. desember, klukkan 17:00. það verður þrumustuð, dansað verður í kringum jólatréð og Skyrgámur mætir í heimsókn og gefur öllum börnum eitthvað sætt og gott. Við bjóðum ykkur öll hjartanlega velkomin, sérstaklega börn á leikskóla- og grunnskólaaldri.

Næsta fimmtudagskvöld, 30. nóvember klukkan 20:00 ætlar tónlistarmaðurinn Sigurður Guðmundsson að syngja sínar bestu perlur í Ástjarnarkirkju. Við bjóðum ykkur öll hjartanlega velkomin og aðgangur er ókeypis! Heitt súkkulaði og smákökur í boði að stund lokinni. 

Kríla- og krakkatónar mæta í helgihaldið í Ástjarnarkirkju, sunnudaginn 19. nóvember og ætla að eiga skemmtilega stund saman, ásamt foreldrum, systkinum, ömmum, öfum, vinum og öllu fólki! Verum glöð saman í kirkjunni og ekki síður í kærleiksríku kvöldmáltíðarsamfélagi að guðsþjónustu lokinni. Við bjóðum ykkur öll hjartanlega velkomin!

Við minnumst látinna, sunnudaginn 5. nóvember klukkan 17:00. Edda Björgvinsdóttir leikkona flytur ávarp, Margrét Eir syngur við undirspil tónlistarstjóra Ástjarnarkirkju, Karls Olgeirssonar. Verið öll hjartanlega velkomin.

Guðsþjónusta verður í Ástjarnarkirkju, sunnudaginn 29. október klukkan 17:00. Sr. Nói leiðir stundina, Kalli Olgeirs stjórnar tónlist og Inga Rut sér um að halda þeim á tánum! Að lokinni Guðsþjónustu verður öllum kirkjugestum boðið í fallegt og kærleiksríkt kvöldmáltíðarsamfélag í kirkjunni. Verið öll hjartanlega velkomin!

Sunnudaginn 22. október kl. 17:00 verður guðsþjónusta í Ástjarnarkirkju. Sr. Bolli Pétur Bollason þjónar. Karl Olgeirsson leikur á nýjan flygil kirkjunnar undir almennan söng. Boðið verður upp á heitan mat að guðsþjónustu lokinni. Verið öll velkomin!