Síðasta gospelguðsþjónusta þessa starfsárs verður sunnudaginn 31. maí kl. 20:00. Kór kirkjunnar syngur undir stjórn Matthíasar V. Baldurssonar. Sr. Úrsúla Árnadóttir stjórnar stundinni og flytur hugleiðingu. Þar sem kórinn er á leið í söngferð til Dublinar í næstu viku mun hann syngja meira en venjulega sem upphitun fyrir ferðina.

Hátíðarmessa verður í kirkjunni á hvítasunnudag kl. 11:00. Kór Ástjarnarkirkju syngur undir stjórn Matthíasar V. Baldurssonar tónlistarstjóra. Meðhjálpari verður Sigurður Þórisson og prestur sr. Kjartan Jónsson. Hressing og samfélag á eftir.

Fermingarbörn næsta ár er hægt að skrá hér á heimasíðu kirkjunnar undir flipanum Fermingar. Þar er að finna upplýsingar um dagskrá og fyrirkomulag fræðslunnar.

Árleg Vorhátíð Ástjarnarkirkju verður haldin sunnudaginn 17. maí kl. 11. Hátíðin hefst með fjölskylduguðsþjónustu kl. 11:00 Barnakór kirkjunnar syngur undir stjórn Matthíasar tónlistarstjóra. Bryndís, Fríða og Heiða annast fræðslu og sr. Kjartan stjórnar stundinni. Á eftir guðsþjónustu verður boðið upp á hoppukastala og grillaðar pylsur. Allir hjartanlega velkomnir!