Við höfum opnað fyrir skráningar í fermingarfræðslu næsta vetur.  Við hvetjum foreldra barna sem eru fædd á árinu 2013 að þrýsta á hlekkinn hér að neðan og fylla út skráningarformið sem opnast. Ef einhverjar spurningar vakna, sendið þá tölvupóst á presta Ástjarnarkirkju: Arnór Bjarki: arnor@astjarnarkirkja.is Bolli Pétur: bolli@astjarnarkirkja.is Við hlökkum til næsta vetrar! Skráningarhlekkur:

Næsti fundur Kvenfélags Ástjarnarkirkju verður miðvikudaginn 21. janúar kl. 19.30. Dagskrá fundarins er: 1. Hugleiðing 2. Tillaga að samþykktum félagsins 3. Tillögur að verkefnum 4. Önnur mál Hvetjum ykkur til að koma með hugmyndir að verkefnum. Allar velkomnar. Hlökkum til að eiga notalega stund saman.

Jólatónleikar Seims - kórs Ástjarnarkirkju verða í kirkjunni, fjórða sunnudag í aðventu, 21. desember klukkan 20:00. Söngkonan Sigga Eyrún syngur með kórnum við undirspil Karls Olgeirssonar og Nico Moreaux. Boðið verður upp á kaffi og konfekt. Aðgangur ókeypis. Verið velkomin!

Aðventuguðsþjónusta verður í Ástjarnarkirkju, sunnudaginn 7. desember klukkan 17:00. Sr. Nói messar, Seimur syngur við undirleik og stjórn Kalla organista og Aðalsteinn kirkjuvörður býður gestum upp á kaffi og jólasmákökur eftir messu. Komum saman í góðum anda og tilhlökkun til jólahátíðarinnar.