Leitað er að fjölhæfum tónlistarmanni til þess að verða tónlistarstjóri Ástjarnarkirkju í Hafnarfirði í fullu starfi.
Ástjarnarsókn nær yfir Áslands, Ása og Vallahverfi og er íbúafjöldi þeirra um 7000 manns.
Helgihald fer fram í kapellu safnaðarins á framtíðar kirkjulóð að Kirkjuvöllum 1.
Leitað er að einstaklingi með reynslu af kirkjustarfi, frumkvæði og hugsjón fyrir nýsköpun helgihalds auk hefðbundinnar kirkjutónlistar.
Starfsskyldur eru m.a.:
- tónlistarflutningur við vikulegt helgihald
- æfing og efling kirkjukórs og barnakórs
- stuðningur við barna- og æskulýðsstarf
Tónlistarstjórinn starfar náið með sóknarpresti að mótun helgihalds og safnaðarstarfs komandi ára með sérstakri áherslu á barna- og unglingastarf.
Nánari upplýsingar veita séra Kjartan Jónsson sóknarprestur, kjartan.jonsson@kirkjan.is og Geir Jónsson formaður sóknarnefndar geirj@ms.is.
Umsóknir ásamt ferilskrá skal senda til Ástjarnarkirkju, Kirkjuvöllum 1, 221 Hafnarfirði,
Merkt “Tónlistastjóri Ástjarnarkirkju” fyrir 1. apríl n.k.
