Ástjarnarkirkja

Sunnudagaskólinn byrjar með Fjölskylduguðsþjónustu

Bára Friðriksdóttir — Thu, 02 Sep 2010 12:57:31 +0000

Fjörið er að byrja. Við hefjum sunnudagaskólann með fjölskylduguðsþjónustu 6. september kl. 11.
Börn, foreldrar, afar og ömmur eru hjartanlega velkomin. Brúðurnar mæta í heimsókn. Umsjón, Fríða, Arndís, sr. Bára og sr. Kjartan. Tónlist, Helga Þórdís Guðmundsdóttir, organisti.

Fermingarfræðslan hefst sunnud. 12. september

Bára Friðriksdóttir — Mon, 30 Aug 2010 13:31:47 +0000

Fermingarbörn og foreldrar þeirra eru boðin velkomin til upphafs fermingarfræðslunnar í messu 12. september kl. 11. Á eftir kaffisopa og ávöxtum verður fundur og fyrsta fræðsla vetrarins.

Gott að byrja daginn í Guðshúsi

Bára Friðriksdóttir — Thu, 26 Aug 2010 17:16:07 +0000

Messa sunnudaginn 29. ágúst kl. 11.00 í Ástjarnarkirkju.

Prestur er Bára Friðriksdóttir og Helga Þórdís leikur undir söng á píanóið.

Guðspjallið í Lúkas 10.23-37 er um æðsta boðorðið og miskunnsama Samverjann.

Þú ert hjartanlega velkomin(n) með okkur.

Hálft starf æskulýðsfulltrúa laust til umsóknar

Kjartan Jónsson — Fri, 20 Aug 2010 09:56:18 +0000

Ástjarnarkirkja í Hafnarfirði óskar eftir að ráða æskulýðsfulltrúa í 50% starf til að taka við öflugu starfi sóknarinnar með börnum og unglingum.

Krafist er djákna- eða guðfræðiprófs, uppeldismenntunar eða annarrar menntunar sem nýtist í starfi. Reynsla af æskulýðsstarfi er skilyrði. Starfsmaður þarf að hefja störf 1. september.

Umsóknir með upplýsingum um menntun og starfsreynslu sendist til Ástjarnarkirkju, Kirkjuvöllum 1, 221 Hafnarfirði fyrir 28. ágúst, merkt “Æskulýðsfulltrúi”.

Sóknarnefnd Ástjarnarsóknar

Fjölskylduguðsþjónusta í Ástjarnarkirkju

Helga Þórdís Guðmundsdóttir — Thu, 19 Aug 2010 20:23:46 +0000

Sunnudaginn 22. ágúst verður fjölskylduguðsþjónusta í Ástjarnarkirkju kl. 11.00 Prestur er Kjartan Jónsson og Helga Þórdís leikur undir söng á píanóið. Allir hjartanlega velkomnir.

Kirkjugrallaranámskeið myndir frá 6.ágúst 2010

Ingi Þór — Thu, 12 Aug 2010 01:33:18 +0000

Loksins tókst að koma myndunum á netið en það hefur verið að stríða okkur síðustu daga. 6.ágúst töluðum við um mikilvægi fjölskyldunar og hvað það er mikilvægt að fara eftir fyrirmælum foreldra og forráðamanna.

Kirkjugrallaranámskeið myndir frá 5.ágúst 2010

Ingi Þór — Thu, 12 Aug 2010 01:21:29 +0000

Mikið fjör var 5.ágúst þegar fiskidagurinn mikli var haldinn í Ástjarnarkirkju. Öll erum við fiskar í neti Guðs og var það hugsunin að öll séum við lærisveinar hans að veiða fleiri í trú á Guð. Kirkjan er fallegar skreytt eftir daginn og gaman verður fyrir kirkjugesti í vetur að sjá afrek barnanna.

Kirkjugrallaranámskeið myndir frá 4.ágúst 2010

Ingi Þór — Wed, 04 Aug 2010 21:03:54 +0000

Hér fyrir neðan eru nokkrar myndir frá fyrsta deginum okkar. Frábær mæting er á námskeiðið og yndislegir einstaklingar þar á ferð. Við munum birta nokkrar myndir eftir hvern dag svo foreldrar og aðrir sjái hvað börnin eru að gera á námskeiðinu. Líkt og áður er megin áhersla lögð á kærleika og vináttu og hvernig Guð mætir ökkur á degi hverjum bæði í gleði og raunum.

Skráningarblað fyrir Kirkjugrallara

Ingi Þór — Thu, 15 Jul 2010 19:24:44 +0000

Hér að neðan er slóð að skráningarblaði fyrir kirkjugrallaranámskeið Ástjarnarkirkju 4.-13.ágúst 2010.
http://spreadsheets.google.com/embeddedform?formkey=dGJ2Smk1RmRvaHRlaEg0V2R3ZG1xZUE6MQ

Ef þú getur ekki notað slóðina þá er hægt að senda tölvupóst á ingithor@kirkjan.is með eftir farandi upplýsingum:

Nafn barns/barna:
Nafn foreldra/forráðamanna:
Heimilisfang barns:
Sími foreldra/forráðamanna:
Tölvupóstur/póstar:
Val um gæslu fyrir barnið: gæsla frá kl.8-9 og eða kl.12-13.
Aðrar upplýsingar (veikindi, lyf eða annað sem nauðsynlegt er að taka fram):

Góð göngumessa á Ásfjall

Bára Friðriksdóttir — Tue, 29 Jun 2010 11:52:10 +0000

Hlustað á fjallræðuna á leið upp á Ásfjall

Veðrið lék við messugesti sem örkuðu upp á Ásfjall sunnudaginn 27. júní. Börn og fullorðnir nutu hreyfingarinnar, upplesturs úr fjallræðunni og samverunnar. Við vörðuna var drukkið kakó og vatn, predikun hljómaði og söngur. Aðvífandi göngufólk staldraði við og hlustaði. Stefnt er að annarri göngumessu að ári.

Þetta var síðasta messa fyrir sumarfrí. Næsta guðsþjónusta í Ástjarnarkirkju verður sunnudaginn 22. ágúst kl. 11.