Ástjarnarkirkja á uppstigningardag.
Regína og Svenni í sveiflu
U2 messa gegn fátækt og ójöfnuði verður haldin í Haukahúsinu, fimmtudaginn 13. maí kl. 20. Messan verður haldin í veislusal Hauka og í samvinnu við þá þar sem kapella Ástjarnarkirkju rúmar ekki nógu marga.
Gestasöngvarar verða Regína Ósk og Svenni Þór.
Hljómsveit Hjartar Howser leikur undir.
Kór Ástjarnarkirkju syngur, undir stjórn Helgu Þórdísar Guðmundsdóttur.
Hér er frumflutningur á lögum U2 með íslenskum textum með góðfúslegu leyfi Bono. Sungin verða sjö lög.
Það verður spilað brot úr viðtali við Bono og tónlistarmyndbandi hans.
Þjónandi prestar verða sr. Kjartan Jónsson og sr. Bára Friðriksdóttir.
Vertu velkomin/n að njóta Guðs orðs í tali og tónum með okkur.
Bára Friðriksdóttir, 12/5 2010 kl. 15.28
